Gryterett med svinekjøt

Her kjem ei oppskrift på ein enkel gryterett - som smakar like godt på ein kvardag som til søndagsmiddag!

Du treng til ca. 3-4 pers:

300 g strimla svinekjøt
olje/smør til bruning av kjøtet
salt/pepar
70 g brokkoli
1/2 raudløk
1/2 raud paprika
100 g minimais
2 ss kveitemjøl
2 dl vatn
1 dl soyasaus
2 ananasringer

Framgongsmåte:

• Brun kjøtet i ei gryte. Surr raudløken saman med kjøtet til den er lett brun.
• Kok brokkolibukettane til dei er så vidt møre.
• Ha kveitemjølet i gryta og bland det inn i kjøtet. Ha i vatn og kok opp. La småkoke i ca. 20 min. Ha i paprika i biter, ananas i biter, minimais og den kokte brokkolien når det gjenstår nokre min. av koketida.
• Ha sosyasausen i dei siste 5 min. av koketida.

Server gjerne med ris, salat og brød.

Solfrid 

Smoothie med appelsin og banan

Eg likar veldig godt å laga ulike smoothiar, både til store og små - det smakar alltid godt :)

Appelsin- og banansmoothie (nok til liten og stor her i huset i alle fall)
1/2 appelsin
1/2 banan
2 ss youghurt naturell
1-2 isbiter

Appelsinskive til pynt

Framgongsmåte:

• Køyr alt i ein blendar (evt. med stavmiksar e.l.)
• Hell over i eit glas og nyt ein sunn og god drikk

Ha ein fin dag - her fer me snart til fjells i fina været!

Solfrid 

Heimelaga energibar

Fann ut eg skulle prøva meg på heimelaga energibarar i helga, sidan eg ikkje hadde handla inn til dette måtte eg bruka det eg fann i skuffer og skap - men resultatet vart ikkje så verst om eg kan seie det sjølv. Super som mellommåltid, før eller etter trening :)

Energibarar:

3/4 dl cocosa
1 ss honning
50 g smør/margarin
1 1/4 dl havregryn
1,5 dl solsikkekjerner
1 ss valnet, hakka
1 dl linfrø
1 dl hakka mandlar
0,5 dl sesamfrø
1 dl kokosmasse
1 dl rosiner

Framgongsmåte:

• Smelt cocosa på middels varme og rør inn honningen. Ta av plata.
• Smelt smør i ei annan panne og rør inn havregryn. Brun havregryna lett på middels varme. Rør inn resten av dei tørre ingrediensane og bland godt.
• Rør inn cocosa og honning. Dersom blandinga er for tjukk kan du ha litt meir cocosa/honning/smør i.
• Ha blandinga over i t.d. to eldfaste former som er kledd med eit matpapir eller plastlim. Legg eit jamnt lag og kle med matpapir/plastlim over. Set kaldt i minst 5-6 timar (gjerne natta over). Legg noko litt tungt på blandinga (t.d. ei pakke sukker).
• Skjer opp i passande bitar og oppbevar kaldt.

Då var eg klar for ei treningsøkt og kanskje eg må ta meg ein energibar etterpå? :)

Ha ein fin kveld!

Solfrid

Pizza med kylling og creme fraîche

Her kjem ei oppskrift som kanskje kan vera eit alternativ til kjøtdeigpizzaen ein laurdagskveld? Ikkje at det er noko gale med den - men av og til er det godt med ein vri.

Pizza til 4-5 personar

Grov pizzabotn:
230 g kveitemjøl
250 g mjøl til finbakst
250 g grovbakst mjøl
1 ts sukker
2 ts tørrgjær (ca. 20 g fersk gjær)
1 ts salt
3 ss olivenolje 
4 1/2 dl lunka vatn

Bland alt det tørre i miksarskåla til kjøkkenmaskina. Ha uti olivenolje og lunka vatn og set miksaren på. Elt godt i 5-10 min. La deigen heva i ca. 1 time. Kle eit steikebrett med bakepapir, strø litt mjøl på bakepapiret og kjevl deigen ut til ein firkanta pizzabotn (dersom du synes botnen vert for tjukk med denne oppskrifta kan du ta av litt deig og bruka det til rundstykker, pizzabollar/horn e.l.) La pizzaen etterheva medan steikeomnen vert varm (225 grader). Steik i ca. 20 min.

Fyll:
2 kyllingfiletar i bitar
Smør/olje til bruning
salt og pepar
50 g bacon
1 liten raudlauk i strimlar
3 ss maiskorn
4 soltørka tomat i bitar
1 ananasring i bita
1 ts sambal oelek
1 boks creme fraîche
2 ts pizzakrydder

Riven ost til topping.

Skjer kyllingen i bitar og brun den i ei gryte. Ha på litt salt og pepar. Ha uti bacon og raudlauk og la det surre i 5-10 min. Ha uti resten av grønsakene, creme fraichê, samal oelek og pizzakrydder. Smak til fyllet slik du ønskjer det.

Ha fyllet på pizzaen og hell over riven ost.

Server gjerne pizzaen i lag med litt blanda salat.

Enkel trerettars middag

Her kjem oppskrift på ein enkel trerettars middag du gjerne kan lage om du ønskjer å kosa deg litt ekstra med eit måltid - utan at det tek for mykje tid å førebu og laga til.

Alle oppskriftene er nok til to personar

Forrett - ost og kjeks

2 store kjeks
ein god dessertost
strandaskinke, tørka aprikos, sjalottlauk og raudvinseddik (sjå oppskrift lengre nede!)

• Legg to store kjeks på kvar sitt fat
• skjer ost i skiver og legg på kjeksa
• Ta litt av skinke- og aprikosblandinga og hell over osten

Server straks!

Hovudrett - baconsurra kylling, mandelpoteter med persilade og havsalt, grønsaker, skinke- og aprikosblanding og karrisaus

2 kyllingfiletar
2 baconstrimler
salt og pepar
smør til bruning

• Smelt smør på ei steikepanne, ha salt og pepar på filetane og brun dei på alle sider
• Surr ei baconskive rundt kvar filet
• legg filetane over i ei eldfast form og stikk eit termometer inn i fileten på det tjukkaste punktet
• steik på 150 grader til filetane får ein kjernetemperatur på ca. 60 grader
• kok ut steikepanna med 2 dl vatn slik at du får kyllingkraft til sausen
• Når kyllingen er ferdig steikt, skjerer du den i skiver

8-10 mandelpoteter
havsalt og persilade
olivenolje til bruning

• Kok potetene i ca. 10 min (dei skal vera litt motstandsdyktige når du stikk ein kniv i dei)
• Sil av vatnet og ha på havsalt og persilade etter eigen smak
• hell over ca. 1 dl olivenolje og brun potetene på middels varme i ca. 10 min

100 g rosenkål (fersk)
1 gulrot i strimler
1/2 raud paprika i strimler
salt
olje til woking

• varm litt olje i ei wokgryte/steikepanne
• ha grønsakene i gryta med litt salt på. Wok dei i 3-4 min

50 g strandaskinke i biter
50 g tørka aprikos i biter
2 sjalottlauk
raudvinseddik
smør til bruning

• Skjer sjalottlauken i små bitar og brun den lett i litt smør
• Ha uti skinka og aprikosen og brun i ca. 2 min
• Hell over raudvinseddik til det dekkar blandinga
• La småkoke i 15-20 min (raudvinseddiken skal koka inn ein god del)

2 dl kyllingkraft
1 dl mjølk med 1-2 ss kveitemjøl
litt paprika i små biter
4-5 ss karri
litt salt
1 ss youghurt naturell

• kok opp krafta og ha ui mjøljamninga
• kok opp og ha uti paprika
• Smak til med salt og karri
• Ha youghurten uti rett før servering (youghurten skal ikkje koke)

Dessert - kiwi og blåbær med vaniljekesam og brunt sukker
kiwi
blåbær
vaniljekesam
brunt sukker

• skjer kiwi i små biter
• ha kiwi og blåbær i to skåler
• hell vaniljekesam på og dryss litt sukker over

Mengden her tilpasser du etter eige ønskje

 

~Solfrid~

Solsikkebriks

Endeleg har eg fått ein stor kasse til alle oppskriftene mine (att med gyngestolen så klart!) - så no kan eg leite etter ny inspirasjon i matvegen nesten når det måtte passa meg! I dag vart det difor bakt litt i heimen;

Solsikkebriks
ca. 16 stk.

50 g gjær (fersk)
5 dl lettmjølk
1/2 beger kesam
1/2 beger youghurt naturell
1 ts salt
1 dl solsikkekjerner
6 dl grovbakstmjøl
1 l kveitemjøl

Pensling og dryss:
Vatn
4 ss solsikkekjerner

Framgongsmåte;

• Lunk mjølka til 37 grader. Løys opp gjæren i mjølka.
• Bland alt det tørre i ein bolle. Ha youghurt og kesam saman med det tørre.
• Rør inn mjølk og gjær.
• Set deigen til heving i ca. 30 min (eg pleier setja deigen min i stova framfor omnen - då hever den seg veldig bra)
• Bak ut briksane ved å dela deigen i ca. 16 emne og trill desse ut til avlange bollar.
• Legg briksane på steikebrett og set til etterheving i ca. 20 min
• Varm omnen til 225 grader
• Pensl briksane med vatn og dryss litt solsikkekjerner over
• Steik midt i omnen i ca. 15 min
• Avkjøl på rist

Eignar seg godt til frysing. Super å tina til frukost eller som tilbehør til middag ein dag - eventuelt ein betre lunsj?

 

~Solfrid~

Tagliatelle med røykt laks og squash

Eg er fan av superenkle - superraske - og i grunn supergode middagar.
Spesielt dersom ein har vore på arbeid, og er trøytt og svolten når ein kjem heim (sidan eg snart skal venda tilbake til arbeidslivet - øver eg meg nokre dagar på laga slike middagar!). Dette er ein av desse;

Tagliatelle med røykt laks og squash (til to personar);
Fullkorn tagliatelle (eller vanleg om du vil) - føl instruksen på øskja.
150 g røykt laks
1/2 squash
Basillikum
1/2 boks cremè fraiche
olje

Skjer squashen i terningar og brun den lett i litt olje. Skjer opp laksen i mindre biter og varm denne i ei panne saman med cremè fraiche. Legg tagliatellen på tallerk, ha laks og saus over. Dryss til slutt squashen og litt hakka basillikum på toppen.

Plutseleg var middagen både ferdig laga og ete! 

~Solfrid~

"Pikekyss"

Gårsdagens "bakejobb" resulterte i 8 eggekviter til overs - og ein god unnskulding for å laga "pikekyss". Resultatet vart fryktleg mange rosa pikekyss på kjøkkenet mitt (og enno lagde eg ikkje av alle eggekvitane då eg ikkje såg nokon ende på det prosjektet...). Her kjem oppskrifta (noko redusert i mengden, då eg ikkje trur det er så mange som har behov for å laga så mange brett med pikekyss... Sjølv om dei smakar godt då :)).

"Pikekyss"
3 eggekviter
1/4 ts sitronsaft
1/8 ts salt
2 ts vaniljeessens
115 g sukker
Pastafarge/konditorfarge e.l.

Ha eggekvitene, sitronsaft, salt og vaniljeessens i miksarskåle. Køyr i miksaren til du får ein stiv masse, ha sukker i litt og litt. Ha til slutt i farge og bland denne godt inn. Ta massen over i ein sprutepose med stor spiss. Sprøyt små toppar utover eit bakepapirkledd steikebrett. Steik i omnen på 100 grader i ca. 45 min. La pikekyssene stå ein time i omnen etter dei er ferdig steikt til tørking.

Ha ein fin søndag - kanskje med nokre pikekyss?

~Solfrid~

Urtemuffins

Treng du eit alternativ når du skal servera brød til maten?
Noko som er kjapt å laga - nesten kjappare enn å tina ferdige rundstykker frå frysen?
Her kjem i alle fall noko som fall i smak her i heimen - sjølv med eit litt skremmande namn (i alle fall for mannen!);

Du treng (til 12 muffins):

1 dl havregryn, lettkokte
0,5 dl vatn
1,5 dl kveitemjøl
1,5 dl sammalt kveite
1 dl sammalt kveite, grovt
2 ts bakepulver
0,5 ts salt
4 ss rosmarin, fersk
4 ss basilikum, fersk
4 egg
50 g soyaolje
1/2 boks philadelphiaost
ca. 2 dl vatn
12 soltørka tomat, tørr

Framgongsmåte:

• Legg havregryna i bløyt i vatn i ca 5 min
• Hakk urtene
• Bland mjøl, bakepulver og salt i ein bolle saman med urtene
• visp saman egg, olje og ost. Rør blandingane samane og ha i havregryna. Spe med vatn til du får ein passande konsistens på røra.
• Bruk eit muffinsbrett med tolv former (ha i papirformer og). Fyll formene 2/3 fulle.
• Steik muffinsane midt i omnen på 200 grader i ca 10-15 min. Ha tomatene på når det er ca 5 min igjen av steiketida. Avkjøl muffinsane på rist.

 

Passar godt til ei suppe t.d.

 

(Utgongspunktet for denne oppskrifta er henta frå brodogkorn.no)

"Minipai"

Eg vert meir og meir glad i mat ein kan laga i porsjonsvariantar. Ein av desse er minipaiar som eg har lagt min elsk på for tida. Eignar seg godt til tapasbordet, lunsj eller kanskje til middag ein dag du treng ein rask middag (kan frysast og tiner kjapt!)?

(Det kan sjå ut som det manglar nokre paiar på bilete, og det stemmer... Var nokon som ikkje kunne venta med å smaka...)

Du treng (til ca. 20 paiar):

300 g smør, i terningar
400 g kveitemjøl (for ein grovare bunn kan du t.d. ha halvparten med grovbakst mjøl)
4 ss kaldt vatn

Bland ingrediensane godt saman og set kaldt i minst 30 min. Kjevl ut paideigen og stikk ut rundingar med t.d. ein liten kopp (pass på at den passar i muffinsbrettet ditt). Trykk rundingane ned i eit muffinsbrett, pass på at det er deig heilt opp i formene. Set i kjøleskap i 15 min.

Set omnen på 200 grader. Steik paiane i 8-10 min før du har fyll i.

Fyll:
1/2 raudløk
150 g basilikum
100 g norvegia i terningar
5 soltørka tomat, i biter
100 g kokt skinke
3 egg, samanpiska
1 dl mjølk
salt og pepar

Fres løken i litt olje. Ha uti basilikum, soltørka tomat og skinke. La det frese i nokre minuttar. Fordel fyllet i paiane. Ha ost på og hell egg og mjølk over (pass på at det ikkje renn over bunnen). Steik vidare i 10-15 min.

Daimcupcakes!

"Barn vil elske å få daimcupcakes i bursdagsselskapet, og er det noen igjen etter festen, vil nok de voksne gladelig forsyne seg" (I. Bjerknes, 2011).

Sidan eg allereie har erfart at dei vaksne også liker desse, kva var vel då betre enn å laga ein ladning til klubbkveld med veninnene? Smakar rett og slett fantastisk godt!

Du treng (14 stk):
Røra

3 egg
2 1/2 dl sukker
1 ts vaniljesukker
100 g margarin, romtemperert
1 dl mjølk
1 ss kakaopulver
3 1/2 dl sikta kveitemjøl
2 ts bakepulver
1 lita klype salt
150 g daim i biter

Frostingen

100 g margarin
350 g melis
1/2 dl mjølk
1 ss kakaopulver
50-100 g daim i biter

Framgongsmåte:
Forvarm omnen til 175 grader. Set cupcakeformene i eit muffinsbrett (muffins/cupcakes - trur det er eit ord som går litt om ein an, de skjønar vel kva eg meiner uavhengig av kva eg kaller dei). Visp egg og sukker til eggedosis. Ha i vekselvis margarin, mjølk og det tørre. Vend inn hakka daimbiter. Fyll cupcakeformene 2/3 fulle. Steik kakene midt i omnen i ca. 20 min. Ta dei ut av omnen og avkjøl i brettet i ca. 5 min, før du avkjøler dei heilt på rist.

Frostingen
Rør margarin og halvparten av melisen kvitt. Ha i mjølk, resten av melisen og kakaopulver.

Ha frostingen i ein sprøytepose og sprøyt på kakene. Dryss daimbiter over. Nyt!

~Solfrid~

Prosjekt sy sengekant!

Eg kan vel innrømma at eg likar å ha ein del prosjekt på gong, gjerne til same tid!
Og som de veit var eg jo på stoff & stil for ei tid tilbake.
Det resulterte i at ein gamal sengekant fekk nytt liv;

 

Gamal sengekant

 

Diverse innkjøp til sengekant

Undervegs i sy prosessen. Eg spretta opp det gamle stoffet og kasta det. Så la eg nytt stoff rundt vatten og festa det med knappenåler. Så sydde eg ein kant på eine sida for å festa stoffet. Deretter sydde eg ein ekstra kant (med det lilla bandet på bilete over) på eine langsida og begge kort sidene.

 

Nesten ferdig kant! Eg sydde også på band oppe og nede (tosidig) for å festa kanten til senga med noko.

 

Ferdig sengekant på plass i senga! Og for dei som måtte lura; det var ikkje vanskeleg. Eg brukte to kveldar på det (då hadde eg også litt trøbbel med symaskina)...Og så er det jo veldig kjekt når ein er ferdig å faktisk kan seie at dette har eg sydd sjølv!

 

~Solfrid~



Rundstykkekake!

Resultatet av ein deig til heving på lørdag vart ei rundstykkekake.
Smakar supert rett frå omnen når du får besøk eller om du berre vil kosa deg med ferske rundstykke!

Du treng (passar til ei rund 28 cm form):

75 g smør
2,5 dl vatn
2,5 dl mjølk
50 g gjær
1 l mjølblanding (eg brukte grovbakst, sammalt kveite grov og sammalt rug grov)
1 ts salt
Egg til pensling
Solsikkekjerner

Framgongsmåte:
Smelt smøret og ha i væska. Løys gjæren opp ved 37 grader.
Bland alt det tørre i ein bolle. Ha væska uti.
Bland alt godt saman og set deigen til heving i 1 time (dobbel storleik).

Ta deigen ut av bollen og kna den litt. Del i to emner. Trill ut ei lang pølse og del opp i små emner som du triller ut til små boller. Legg bollane i ei smurt kakeform. Etterhev i ca 15 minutter. Pensl med egg og strø litt solsikkekjerner over. Steik nedst i omnen på 200 grader i ca 25 min. Avkjøl på rist.

Alternativ ribbe

Har du ein rest ribbe att etter jul?
Er du kanskje litt lei den tradisjonelle varianten?
Eller kanskje du er ute etter inspirasjon til neste jul?
(eg tek ikkje høgde for at nokon kanskje ikkje er interessert i ribbe)!

Eg fall vel i kategori to; eg var litt lei den tradisjonelle varianten. Takka vera pappa som kom i kategori ein; han hadde ein ribberest som me var heldig å få - vart det prøvd ein ny variant ribbe her i huset.

Mor var skeptisk, far synes det lukta godt i huset...
Mor var redd det vart for lite ribbe...
Konklusjon etter endt måltid;
Alle var mette, ribba smakte annleis og godt.
Det var til og med litt igjen til pusane.
Dette kan me trygt servera neste jul og!

Dutreng til 6 personar:

Ca 3 kg ribbe
Solid kjøkkenhyssing
2 ss flaksalt
2 ts heil svart pepar
1 ss sitronskal
1/2 ts chilipulver
4 ss hakka frisk rosmarin
2-4 kvitlauksfedd, finhakka

Framgongsmåte:
Knus alt krydderet. Hakk kvitlauksfedden for seg og bland deretter alt godt saman.
Snitt svoren på ribba (lag 1 cm tjukke striper godt ned i feittet. Stripene må gå same veg som kjøtet skal rullast).
Skjer ut alle beina, og gni krydderblandinga godt inn i kjøtet. Rull kjøtet saman og knyt med ein hyssing. Gni litt olivenolje på heile rullen og litt salt. Legg den på ei rist i ei eldfast form.
Ha eit par cm med vatn i forma og dekk med aluminiumsfolie. Damp ribberullen på 200 grader i 1 time. Fjern folien og steik vidare på 180-200 grader i  ca. 2 timar. Treng svoren litt ekstra tid, kan du skru opp temperaturen siste tida - MEN då må du følgje med heile tida! :)

La rullen kvila i ca. 10 min før du skjer den opp (eg fann ut at det var lurt å skjera litt tjukke skjever for  at rullen skulle hengja best mogleg saman).

Server med kokte poteter, raudkål, svisker og epler - til dømes.




No har eg ein deig som står til heving - kanskje det kjem ei oppskrift på rundstykker her...

 

 

 

Ha ein fin lørdag!

~Solfrid~



Ferdig pynta...

Det er altså eit par veker sidan bjørkekransen var ferdig pynta... Her kjem eit bilete av det ferdige resultatet;

 

Eg har brukt kvit mose, konglar, kristtorn, lyng, sølvtråd og edelgran. Alt har eg funne heime eller rett i nærleiken (ps. Har ikkje vore på ulovleg slang!)

 

Og det som framleis var viktig å ha er ei god tang/saks, streng og evt. litt kitt.

 

~Solfrid~

 

 

Fisk - rett og slett!

2.januar - tilbake til realiteten.
Litt lei kjøt?
Er vel som regel slik for dei fleste når jula er over.
På den måten skal ikkje me klaga - her har me vore sjuk heile jula omtrent.
Likevel - så er det noko med fisk når jula er over.

Difor; dagens innlegg - fisk i folie.
Enkelt, kjapt, smakar godt (lite oppvask er jo og eit pluss!).
Porsjonspakkar!
Billeg! (særleg om du har tilgong til fisk sjølv).
Sunt og godt! :)

Du treng:
1 fiskefilet per pers. (her har eg brukt torsk som mannen har fiska!)
Grønsaker (ta det du har i kjøleskapet - det meste er eigna. Her har eg brukt gulrot, sukkererter, poteter, raud og orange paprika).
Litt smør
Evt. pesto/ rjome e.l.

Framgongsmåte:
Dersom fisken ikkje er ferdig filetert, må du gjere det. Pass på at mest mogleg av bein er vekke og skinnet skal av. Ha fisken i litt folie som du ligg i ei eldfast form. Skjer opp så mykje grønsaker som du vil ha og fordel dette på fisken. Ha på ein klatt smør og evt. litt pesto/rjome e.l.

Steik midt i omnen på 200 grader i 20-30 min (du må rett og slett følgja litt med på steiketida). Det går litt raskare dersom du t.d. vel å koka potetene ved sidan av.

Det var dagens sunne tips frå meg i 2013!

Ha ein fin dag!

~Solfrid~